"Anthoine Montanier dict Baron du lieu de Pallossin mandement du Teil et ledit Jacques Galley présent et acceptant la somme de deux escutz sol et 30 solz ….."

"............. à Jacque Galley laboureur de Peallussin de remettre en mains de nostre greffier soubsigné la somme de 33 livres à laquelle somme a esté par nous ..... "

"L'an 1614 et le 18 octobre Jehan Pascal laboureur de Rossillioles trouvant au lieu de la Valla Jacques Galey lui a dict que le jour d'hier il trouva coppie de certains ? par lequel ledit Galey prétend l'avoir rendu ? des six charrettes foin et six charrettes paille ......... parlant à la personne de Jehan Escofier son beaupère ....... ledit Pascal somme ledit Galey de lui remettre les charrettes pretenduement saisies en son pouvoir ou dans sa maison protestant par faulte de n'en estre tenu ...... lequel Galey à fait response que en luy balliant coppie il en respondra par conseil .........."

"du procès ......... pendant en la court ordinaire de la Valla d'entre Jehan Tardi demandeur et Jacques Galey desfendeur lesdits cytés craignant la double ? à icelle pardevant le notaire royal soubzsigné et présents les tesmoingtz soubznommés .......... de part et d'autre .... et oultre ce que les bestail de commande ballié par ledit Galey à feu Jehan Galey et Marguerite Bertail demeurera en mains et pouvoir de ladite Bertail soubz le ? de chef principal et mentioné de par la forme d'ypothèque ? obligations qui demeureront en leur for? eu vertu acte accordé que pour le profict que ledit Galey pourroit avoir en pretendant siens bestail du passé jusques huy, ledit Tardi soit tenu luy rendre comme il promet la somme de 10 livres ......... fait et passé au Bessa maison d'Anthoine Louat le 15/12/1614 avant midi présents à ce Jacques Galey le jeune de Servaresse paroisse d'Izieu, Jehan Courbon marchant des Tours paroisse de Rochetallié qui ont signé ...... "

"le douziesme febvrier mil six cens seze pardevant Claude Ravachol notaire royal lieutenant en la juridiction de la Valla
Seroit comparu mr Pierre Bertholon procureur et Jane Galey femme de Jehan Rossiliol, Jane Bertail vefve de feu Jehan Galey tutrice des enfans dudit deffunct et d'elle, et de Jehan Corbon mary de Françoise Montagnier fille de feue Anthoinette Galley, concistant avec ledit Bertholon lesdits Jehan Rossiliol & Jehan Corbon lequel notaire a dict et a montré que feu Jacques Galey frère dudit feu Jehan Galey et desdites Jane et Gabrielle Galey ayant esté multry de assassins au mois de décembre de l'année 1614 son hoerie et succession seroit echeue & advenue à ladite Jane Galey au susdit enfans de ladite Bertail et à ladite Montagnier et encore à Jehan Galey père d'autre Jehan Galey de Peallossin et à Pierre aussy père de Jacques Galey de Servaresses, sçavoir au chascun d'eulx pour une cinquiesme portion, mais le malheur n'advinct pas seul en la personne dudit deffunct car la mesme nuict qu'il fust assassiné sa chambre fust ouverte et pilliée son argent et principales obligations actives faisant contre les susdits compère et enfans Galey de Peallossin et de Servaresses prinses & du? f? que lesdites deux obligations de commande de bestail que lesdits pères & enfans tenoient dudit deffunct ? ce qu'il faict desdites commandes estant notoire à chacun, on ne les oza emporter mais pour s'en liberer par ledit Jacques Galey de Servaresses il getta ung final compte escript & signé de sa main dans lesdits papiers qui ce trouve comprins audit inventaire portant quictance à son proffict car en ladite obligation de commande desdits Jehan & Jehan Galey de Pealossin fust endossé ung foluit de pacte d'icelle et lesdits papiers qui restarent à estre prins & emportés parvindrent en fin par l'artifice desdits preneurs ou autrement en mains de Françoise Galey fille donnée dudit deffunct laquelle les auroit représenté en justice pour estre inventoriés et conservés à qui il appartiendra ce que ayant esté faict et lesdits papiers ayant esté remis et dépozés entre noz mains lors dudit inventaire faict au moys de febvrier de l'année dernière 1615 ce en attendant ce que seroit dict par arrest de la vénérable court du parlement de Paris sur l'appellation des accuzés dudit multre que lesdits parans n'ont volu porsuivre criminellement pour ne causer de l'infamie à leurs enfans, or aujourd'hui lesdits Jacques et Jehan Galey deux desdits accuzés estant revenus absoubz par arrest de ladite court comme par le dieu de la senctence dont estoit appel ayant esté infirmé ? et quilz avoient esté jugés indignes de la succession dudit deffunct il ne reste pour proceder au partage que de voir ledit arrest d'absolution mais avant que d'en venir a ce poinct ladite Jane Galey seur dudit deffunct et ledit Jehan Corbon qui represente Gabrielle Galley autre seur d'iceluy deffunct comme aussy ladite Bertail mère et tutrice des enfants dudit feu Jehan Galey son mary deziroient que lesdits enfans Galey qui sont donnataires universels et leurs susdits compères heusses à rapporter audit partage fidellement et au vray leurs susdites obligations passives qui furent prinses comme dict est au coffre dudit deffunct revenant lesdites obligations à plus de 1500 livres comme aussi les deniers et meubles principaus d'iceluy deffunct.
A ces cause et attandu que les preuves dudit faict ont esté diverties par complot faict entre lesdits accuzés pour avoir tant plus de moyen de ce justiffier à l'effect de quoy feu Jehan Boyron dict Bardot homme mizerable et indigent l'ung desdits accuzés qui a esté conduict à mort moyennant une obligation de 100 livres qui fust passée à son proffict au lieu de Juvisi pardevant me Dalier notaire royal demeurant au lieu de Maleval se seroit desdict au supplice de la declaration par luy faicte au procès touchant le vol faict desdits papiers argent et meubles de prix ce que néanlmoingtz sera veriffié d'alieurs par evidans tesmoignages nous apartant ledit me Bertholon requis de voloir permettre à ses parties de faire publier par ces monitoires ? ? pour avoir revélation des cas susdits à fin civile tant seulement pour que sur les preuves qu'ilz entendent d'en avoir comprendre par eulx telles concluzions qu'ilz verront bon estre."

"l'an 1616 et le 22 febvrier pardevant le notaire royal soubzsigné et pardevant les temoingtz cy après nommés seroit comparue Dauphine Essartier vefve de feu Jehan Boyron dict Bardot laquelle advertie du monitoire obtenu de la part de Jehanne Galley et consortz par la publiquation qui en a esté faicte au prosne de l'esglise paroichialle de la Valla et affin de n'estre comprinse en icelle et ad? pour n'estre comprinse en icelle a déclaré à messire ? Pervenchon prestre et vicaire dudit lieu comme peu de temps auparavant le multre commis et perpetué à la personne de feu Jacques Galey mesme deux jours avant iceluy elle ?it ? faire Jacques Galey laboureur de Servaresse ? ?figur? en leurs (?) mains et consevoit avecq ledit feu Boyron son mary mais ne sçut pour quoy et ? complot à dit ne sçavoir du contenu audit monitoire et de sa déclaration acte que luy a esté octroyé par le notaire soubsigné pour servir ce que ........."

"Monsieur le juge de la juridiction de la Valla supplient humblement Jacques Julien ayant droict de Pierre Galey, Jehan Galey l'aisné, Jehan Rossilliol et Jane Galey sa femme, Jehan Courbon père et tuteur légitime de ses enfants et de feu Françoise Montagnier sa femme, Claude Montagnier et Marguerite Bertail mère et tutrice des ses enfants et de feu Jehan Galey, diant que la succession de feu Jacques Galey leur estant advenue et echeue il auroit esté par vous ordonné que partage soit faict des biens dudit deffunct entre lesdits suppliantz et d'auttant que lesdits papiers de ? dudit deffunct sont entre les mains de mr Claude Ravachol qui avoit faict l'inventaire desdits papiers sans lesquels on ne peut faire le partage. Ce consideré monsieur il vous plairra ordonner que ledit mr Ravachol remette entre les mains de votre greffier lesdits papiers ensemble ledit inventaire moyennant salaire comptant pour que soit procedé audit partage comme il appartiendra par raison de faire justice"

".......... Guillaume Tardy laboureur de Luzernod pour obvier à la vente des fruitz de ses biens faite à la requeste des héritiers de feu Jacques Galey ..........."